Hanuman Chalisa — Full Lyrics in Hindi, English & Translation

Doha

श्रीगुरु चरन सरोज रज, निज मनु मुकुरु सुधारि।
बरनउँ रघुबर बिमल जसु, जो दायकु फल चारि॥

बुद्धिहीन तनु जानिके, सुमिरौं पवनकुमार।
बल बुद्धि बिद्या देहु मोहिं, हरहु कलेस बिकार॥

Shri Guru Charan Saroj Raj, Nij Manu Mukuru Sudhaari.
Baranau Raghubar Bimal Jasu, Jo Daayaku Phal Chaari.

Buddhihin Tanu Jaanike, Sumirau Pavan-Kumaar.
Bal Buddhi Vidya Dehu Mohi, Harahu Kales Bikaar.

Chaupai 1

जय हनुमान ज्ञान गुन सागर।
जय कपीस तिहुँ लोक उजागर॥

Jai Hanuman Gyaan Gun Saagar.
Jai Kapis Tihu Lok Ujaagar.

Chaupai 2

राम दूत अतुलित बल धामा।
अंजनि-पुत्र पवनसुत नामा॥

Ram Doot Atulit Bal Dhaama.
Anjani-Putra Pavansut Naama.

Chaupai 3

महाबीर बिक्रम बजरंगी।
कुमति निवार सुमति के संगी॥

Mahabir Bikram Bajrangi.
Kumati Nivaar Sumati Ke Sangi.

Chaupai 4

कंचन बरन बिराज सुबेसा।
कानन कुंडल कुँचित केसा॥

Kanchan Baran Biraaj Subesa.
Kaanan Kundal Kunchit Kesa.

Chaupai 5

हाथ बज्र औ ध्वजा बिराजै।
काँधे मूँज जनेऊ साजै॥

Haath Bajra Au Dhwaja Biraajai.
Kaandhe Munj Janeu Saajai.

Chaupai 6

शंकर सुवन केसरी नंदन।
तेज प्रताप महा जग बंदन॥

Shankar Suvan Kesari Nandan.
Tej Prataap Maha Jag Bandan.

Chaupai 7

विद्यावान गुनी अति चातुर।
राम काज करिबे को आतुर॥

Vidyaavaan Guni Ati Chaatur.
Ram Kaaj Karibe Ko Aatur.

Chaupai 8

प्रभु चरित्र सुनिबे को रसिया।
राम लखन सीता मन बसिया॥

Prabhu Charitra Sunibe Ko Rasiya.
Ram Lakhan Sita Man Basiya.

Chaupai 9

सूक्ष्म रूप धरि सियहिं दिखावा।
बिकट रूप धरि लंक जरावा॥

Sukshma Roop Dhari Siyahi Dikhaava.
Bikat Roop Dhari Lank Jaraava.

Chaupai 10

भीम रूप धरि असुर सँहारे।
रामचंद्र के काज सँवारे॥

Bhim Roop Dhari Asur Sanhaare.
Ramchandra Ke Kaaj Sanvaare.

Chaupai 11

लाय सजीवन लखन जियाये।
श्रीरघुबीर हरषि उर लाये॥

Laay Sajeevan Lakhan Jiyaaye.
Shri Raghubir Harashi Ur Laaye.

Chaupai 12

रघुपति कीन्ही बहुत बड़ाई।
तुम मम प्रिय भरतहि सम भाई॥

Raghupati Keenhi Bahut Badaai.
Tum Mam Priya Bharat-hi Sam Bhaai.

Chaupai 13

सहस बदन तुम्हरो जस गावैं।
अस कहि श्रीपति कंठ लगावैं॥

Sahas Badan Tumharo Jas Gaavain.
As Kahi Shripati Kanth Lagaavain.

Chaupai 14

सनकादिक ब्रह्मादि मुनीसा।
नारद सारद सहित अहीसा॥

Sanakaadik Brahmaadi Munisa.
Naarad Saarad Sahit Ahisa.

Chaupai 15

जम कुबेर दिगपाल जहाँ ते।
कबि कोबिद कहि सकैं कहाँ ते॥

Jam Kuber Digpaal Jahaan Te.
Kabi Kobid Kahi Sakai Kahaan Te.

Chaupai 16

तुम उपकार सुग्रीवहिं कीन्हा।
राम मिलाय राज पद दीन्हा॥

Tum Upkaar Sugrivahin Keenha.
Ram Milaay Raaj Pad Deenha.

Chaupai 17

तुम्हरो मंत्र बिभीषन माना।
लंकेस्वर भए सब जग जाना॥

Tumharo Mantra Vibhishan Maana.
Lankeshwar Bhaye Sab Jag Jaana.

Chaupai 18

जुग सहस्र जोजन पर भानू।
लील्यो ताहि मधुर फल जानू॥

Jug Sahasra Jojan Par Bhaanu.
Leelyo Taahi Madhur Phal Jaanu.

Chaupai 19

प्रभु मुद्रिका मेलि मुख माहीं।
जलधि लाँघि गये अचरज नाहीं॥

Prabhu Mudrika Meli Mukh Maahin.
Jaladhi Laanghi Gaye Achraj Naahin.

Chaupai 20

दुर्गम काज जगत के जेते।
सुगम अनुग्रह तुम्हरे तेते॥

Durgam Kaaj Jagat Ke Jete.
Sugam Anugrah Tumhare Tete.

Chaupai 21

राम दुआरे तुम रखवारे।
होत न आज्ञा बिनु पैसारे॥

Ram Duaare Tum Rakhvaare.
Hot Na Aagya Binu Paisaare.

Chaupai 22

सब सुख लहै तुम्हारी सरना।
तुम रक्षक काहू को डर ना॥

Sab Sukh Lahai Tumhaari Sarna.
Tum Rakshak Kaahu Ko Dar Na.

Chaupai 23

आपन तेज सम्हारो आपै।
तीनों लोक हाँक तें काँपै॥

Aapan Tej Samhaaro Aapai.
Teeno Lok Haank Te Kaanpai.

Chaupai 24

भूत पिसाच निकट नहिं आवै।
महाबीर जब नाम सुनावै॥

Bhoot Pisaach Nikat Nahin Aavai.
Mahabir Jab Naam Sunaavai.

Chaupai 25

नासै रोग हरै सब पीरा।
जपत निरंतर हनुमत बीरा॥

Naasai Rog Harai Sab Peera.
Japat Nirantar Hanumat Beera.

Chaupai 26

संकट तें हनुमान छुड़ावै।
मन क्रम बचन ध्यान जो लावै॥

Sankat Te Hanuman Chhudaavai.
Man Kram Bachan Dhyaan Jo Laavai.

Chaupai 27

सब पर राम तपस्वी राजा।
तिन के काज सकल तुम साजा॥

Sab Par Ram Tapasvi Raaja.
Tin Ke Kaaj Sakal Tum Saaja.

Chaupai 28

और मनोरथ जो कोइ लावै।
सोइ अमित जीवन फल पावै॥

Aur Manorath Jo Koi Laavai.
Soi Amit Jeevan Phal Paavai.

Chaupai 29

चारों जुग परताप तुम्हारा।
है परसिद्ध जगत उजियारा॥

Chaaron Jug Partaap Tumhaara.
Hai Parsiddha Jagat Ujiyaara.

Chaupai 30

साधु संत के तुम रखवारे।
असुर निकंदन राम दुलारे॥

Saadhu Sant Ke Tum Rakhvaare.
Asur Nikandan Ram Dulaare.

Chaupai 31

अष्ट सिद्धि नौ निधि के दाता।
अस बर दीन्ह जानकी माता॥

Ashta Siddhi Nau Nidhi Ke Daata.
As Bar Deenh Jaanaki Maata.

Chaupai 32

राम रसायन तुम्हरे पासा।
सदा रहो रघुपति के दासा॥

Ram Rasayan Tumhare Paasa.
Sada Raho Raghupati Ke Daasa.

Chaupai 33

तुम्हरे भजन राम को पावै।
जनम जनम के दुख बिसरावै॥

Tumhare Bhajan Ram Ko Paavai.
Janam Janam Ke Dukh Bisraavai.

Chaupai 34

अंत काल रघुबर पुर जाई।
जहाँ जन्म हरिभक्त कहाई॥

Ant Kaal Raghubar Pur Jaai.
Jahaan Janma Haribhakt Kahaai.

Chaupai 35

और देवता चित्त न धरई।
हनुमत सेइ सर्ब सुख करई॥

Aur Devta Chitt Na Dharai.
Hanumat Sei Sarba Sukh Karai.

Chaupai 36

संकट कटै मिटै सब पीरा।
जो सुमिरै हनुमत बलबीरा॥

Sankat Katai Mitai Sab Peera.
Jo Sumirai Hanumat Balbeera.

Chaupai 37

जै जै जै हनुमान गोसाईं।
कृपा करहु गुरुदेव की नाईं॥

Jai Jai Jai Hanuman Gosaai.
Kripa Karahu Gurudev Ki Naai.

Chaupai 38

जो सत बार पाठ कर कोई।
छूटहि बंदि महा सुख होई॥

Jo Sat Baar Paath Kar Koi.
Chhootahi Bandi Maha Sukh Hoi.

Chaupai 39

जो यह पढ़ै हनुमान चालीसा।
होय सिद्धि साखी गौरीसा॥

Jo Yah Padhai Hanuman Chalisa.
Hoy Siddhi Saakhi Gaurisa.

Chaupai 40

तुलसीदास सदा हरि चेरा।
कीजै नाथ हृदय महँ डेरा॥

Tulsidas Sada Hari Chera.
Keejai Naath Hriday Mahan Dera.

Doha

पवनतनय संकट हरन, मंगल मूरति रूप।
राम लखन सीता सहित, हृदय बसहु सुर भूप॥

Pavantanay Sankat Haran, Mangal Moorati Roop.
Ram Lakhan Sita Sahit, Hriday Basahu Sur Bhoop.